Connolly 塔羅牌研究室

闇月 - 而家開始一齊研究牌義喇，

而家開始一齊研究牌義喇，我會分圖像分析同牌義兩部分講 ...

而第一隻開始講嘅牌就係 0 The Fool (愚者) :

圖像分析 :
1) 牌中主角企喺十字路口中間，表示無論佢選擇邊一條路，都可以學習新事物 ;
2) 主角似乎已經選擇咗要走嘅路 (雙腳向前)，但卻不斷回望，不肯出發 ;
3) 主角只顧回頭看，忽略咗身邊嘅事情，例如作為支持嘅小狗 ;
4) 手執嘅木枝 : 象徵開始 ; 白玫瑰 : 象徵完結，表示主角不肯作出完結，重新出發 ;
5) 小黃花 : 象徵有生機

牌義 :
1) 仍未放得下過往嘅事，所以未能向新目標出發 / 未能選擇新路向 ;
2) 太過注視過去，留意不到當下身邊的事物 / 所發生嘅事情 .

以我自己嘅經驗嚟講，好多朋友喺問一啲去向問題嘅時候都會出呢隻牌...
表示佢哋心裡面，其實係有一個想法、目標或者方向...
但礙於未能放開過去嘅事情，所以一直未能實際作出行動...
通常我會建議佢哋，嘗試尋找、明白同解開以前所留下嘅結，再重新向目標出發...